एनिक र निसिमलाइ मिस्टर एन्ड मिस एसइइको उपाधि
बिर्तामोड, जेठ १५ । मिस्टर एन्ड मिस एसइइ २०२३ कोशी प्रदेशअन्तर्गत मिस एसइइको उपाधि चिल्ड्रेन इन्भाइरोमेन्ट स्कुल बिर्तामोडकी निसिम थाम्सुहाङले जितेकी छन् ।
आज साँझ झापाको बिर्तामोडमा सम्पन्न प्रतियोगिताको फिनालेमा अन्य २० जना प्रतियोगीलाई पछि पार्दै थाम्सुहाङले उपाधि जितेकी हुन् ।
प्रतियोगितामा फर्स्ट रनरअप सोही विद्यालयकी सलिना गुरागाईं भइन् भने सेकेन्ड रनरअप सुरुंगाको हरिकुल नमुना माविकी चेतसा नेउपाने भइन् ।
त्यस्तै, मिस्टर एसइइको उपाधि बिर्तामोडको न्युटन्स एजुकेसन एकाडेमीका एनिक चौधरीले जिते । फर्स्ट रनरअप इलामका उत्तम थापा र सेकेन्ड रनरअप चारआलीको सहिद दशरथ चन्द माविका योगेश लिम्बू भए ।
बिर्ता मिडिया इन्टरटेन्टमेन्ट प्रालिले आयोजना गरेको कार्यक्रमको अध्यक्षता प्रालिका निर्देशक एलसी श्रेष्ठले गरेका थिए ।
प्रतियोगितामा श्वेता श्रेष्ठ, चेतन ढुंगेल, स्वस्तिका आचार्य र सविना लिम्बू निर्णायकको भूमिकामा रहेका थिए ।भने उक्त कार्यक्रमको प्रोग्राम कोर्डिनेटर बिजय लिम्बू रहनु भएको थियो।
कार्यक्रममा स्वागत दिनेशराज शर्माले गरेका थिए भने फिनालेको सञ्चालन सुरज प्रधान र अनुप भण्डारीले गरेका थिए ।
Please follow and like us:
