बुट्टाबारीमा यात्रुबाहक बस दुर्घटना:- ३ जनाको मृत्यु
झापा । झापाको बिर्तामोड–६ बुट्टाबारीमा यात्रुबाहक बस दुर्घटना हुँदा ३ जनाको मृत्यु भएको छ।
आज बिहान करिब ९:३० बजे पश्चिमबाट पूर्वतर्फ जाँदै गरेको प्रदेश १–०११–००१ ख ४४५९ नम्बरको सगरमाथा यातायातको बस अनियन्त्रित भई सडकबाट करिब ५ मिटर तल पल्टिँदा एक जनाको घटनास्थलमै र दुई जनाको उपचारका क्रममा मृत्यु भएको हो।
घटनास्थलमै मृतक एक पुरुषको शव रहेको प्रहरीले जनाएको छ। मृतकहरुको पहिचान खुलेको छैन् ।
दुर्घटनामा एक दर्जनभन्दा बढी घाइते भएका छन्। उनीहरूको उद्धार गरी नजिकैका अस्पतालमा उपचार भइरहेको छ।
Please follow and like us:
