प्रथम बाह्रदशी टी-10 क्रिकेट प्रतियोगिताको खेल तालिका सार्वजनिक ।
बाह्रदशी, असोज२६ । यही असोज २८ गतेदेखि सञ्चालन हुने प्रथम बाह्रदशी टी-10 क्रिकेट प्रतियोगिताको खेल तालिका सार्वजनिक गरिएको छ ।
बाह्रदशी खेलकुद विकास समिति को समन्वय तथा वडा खेलकुद विकास समिति वार्ड नं ५ को आयोजनामा सञ्चालन हुने प्रथम बाह्रदशी टी-10 क्रिकेट प्रतियोगितामा छिमेकी भारतका क्लब सहित २१ टोली सहभागी छन् ।
टी-10 प्रतियोगिताको उद्घाटन खेलमा गोल्धाप क्रिकेट टिमले आयोजक टिम A सँग प्रतिस्पर्धा गर्नेछ ।
आश्विन २८ गते बाट सञ्चालन हुने प्रथम बाह्रदशी टी -10 क्रिकेट प्रतियोगिताको फाइनल खेल कार्तिक २ गते हुने छ भने विजेता टिमले नगद रु ५० हजार मेडल ट्रफी र प्रमाणपत्र प्राप्त गर्नेछन् भने उपविजेता हुने टिमले नगद रु ३५ हजार मेडल ट्रफी र प्रमाणपत्र प्राप्त गर्नेछन् त्यस्तै उत्कृष्ट खेलाडीले माउण्टेन साइकल प्राप्त गर्नेछन्।
प्रथम बाह्रदशी टी -10 क्रिकेट प्रतियोगिता सम्पन्न गर्न ४ लाख खर्च लाग्ने अनुमान गरिएको छ ।
Please follow and like us:
