बिर्तामोडमा गजल साझ तथा प्रदेश स्तरीय कवि सम्मेलन सम्पन्न
कोशी प्रदेश भरिका साहित्यकारहरुको उपस्थितिमा झापाको बिर्तामोडमा गजल साझ तथा बृहत कवि सम्मेलन सम्पन्न भएको छ ।
साहित्य कला संस्कृति प्रतिष्ठान बिर्तामोड १ को आयोजना तथा सामाजिक विकास मन्त्रालय कोशी प्रदेश को सह-आयोजनामा प्रादेशिक कवि सम्मेलन भएको हो । सम्मेलनमा कोशी प्रदेश भरिका साहित्यकार संगै भारत आसामका साहित्यकारहरुको समेत सहभागिता रहेको थियो । कार्यक्रममा झापा , मोरङ, इलाम , पाँचथर ,ताप्लेजुङ ,तेह्रथुम , सुनसरी , धनकुटा ,भारतको आसामलगायतका ठाउँका ६० भन्दा बढी कविहरुले कविता वाचन गर्नुका साथै समावेशी गीत तथा नृत्य प्रस्तुत गरिएको थियो ।
साहित्य कला संस्कृति प्रतिष्ठानका अध्यक्ष भगवती ढुंगेलको अध्यक्षतामा भएको कार्यक्रमको उदघाटन प्रा.डा. टंकप्रसाद न्यौपानेले गर्नुभयो । कार्यक्रममा असम नेपाली साहित्य सभाका अध्यक्ष दुर्गा खतिवडा, धरान प्रज्ञा प्रतिष्ठानका अध्यक्ष अम्बिका सम्बाहाम्फे , दमक प्रज्ञा प्रतिष्ठानका पूर्व कुलपति हेम अधिकारी , आख्यानकार राजेन्द्र संग्रौलालगायतले शुभकामना र रचना प्रस्तुत गर्नुभयो । त्यस्तै साहित्यकार गोपिकृष्ण खतिवडाले झापा को साहित्य क्षेत्रको बारेमा कार्यपत्र प्रस्तुत गर्नुभयो ।
कार्यक्रम लाई बिर्ता मिडिया एण्ड इन्टटेग्मेन्ट प्रा.लि.का प्रबन्ध निर्देशक एल सी श्रेष्ठ र सुनिता तामाङले संचालन गरेका थिए।
Please follow and like us:
