बाहदशीमा जंगली च्याउ खाँदा ११ जना बिरामी
२७ वैशाख २०८३, राजेश आचार्य ।
झापाको बाह्रदशी गाउँपालिका-२ बुट्टाबारीमा जंगली च्याउ खाँदा ११ जना बिरामी परेका छन्। आज मिति २०८३/०१/२७ गते बिहान करिब १०:०० बजे स्थानीय तेज बहादुर खवासको घरमा जंगलबाट ल्याएको च्याउ पकाई खाँदा उनीहरू बिरामी भएका हुन्।
बिरामी पर्नेहरूमा ५० वर्षीया कमला माया खवास, ३१ वर्षीय डिल्ली खवास र २० वर्षीया अनिता खवास लगायत अन्य ८ जना बालबालिका रहेका छन्। बिरामीहरूलाई तत्काल उपचारका लागि प्रादेशिक अस्पताल भद्रपुर पुऱ्याइएको थियो।
प्रादेशिक अस्पतालमा प्रारम्भिक उपचार पश्चात थप उपचारका लागि ९ जनालाई दमकस्थित बाल अस्पताल रिफर गरिएको छ। बिरामीमध्ये २ जनाको अवस्था मध्यम र अन्यको अवस्था सामान्य रहेको जिल्ला प्रहरी कार्यालय झापाले जानकारी दिएको छ ।
Please follow and like us:
