बाह्रदशीमा बालबालिकाहरुका लागि ऎन,नियम तथा कानुन सम्बन्धि सचेतनामुलक कार्यक्रम सम्पन्न ।
बाह्रदशी , बाह्रदशी गाउँपालिका वडा न.२ मा बालबालिकाहरुका लागि ऎन,नियम तथा कानुन सम्बन्धि सचेतनामुलक एक दिने कार्यक्रम सम्पन्न भएको छ ।
बाह्रदशी गाउँपालिका वडा न.२ को सभाहलमा संचालन गरिएको बालबालिका सम्बन्धि ऐन,नियम तथा कानुन सम्बन्धि कार्यक्रम सम्पन्न भएको हो।
वडा न.२ का वडाअध्यक्ष भिम बहादुर कार्की को अध्यक्ष मा संचालन गरिएको कार्यक्रममा गाउँपालिका उपाध्यक्ष शान्ता देवी शिवाकोटी प्रमुख अतिथि रहनु भएको थियो।कार्यक्रममा विशिष्ट अतिथि कार्यपालिका सदस्य लक्ष्मी निरौला,कार्यपालिका सदस्य मान बहादुर राजवंशी,कार्यपालिका सदस्य पुनम देवी खत्वे,वडा सदस्य युवराज ढकाल,रन्जना भट्टराई,इसाहक मिया,लगायतको आतिथ्यता रहेको थियो।
गाउँपालिका उपाध्यक्ष शान्ता देवी शिवाकोटी को प्रमुख आतिथ्य मा संचालन गरिएको उक्त कार्यक्रममा वडा न.२ वडा सदस्य युवराज ढकालले कार्यक्रमको औचित्य माथी प्रकाश पार्नु भएको थियो भने कार्यक्रमको उद्घाटन प्रमुख अतिथि ले ब्यानर बाचन गरेर गर्नु भएको थिय।
कार्यक्रममा बोल्दै प्रमुख अतिथिले बालबालिकाहरुको अधिकार लाई गाउँपालिकाले सधैं सुनिस्चित गर्ने र बालबालिकाहरुका लागि गाउँपालिका सधैं सकारात्मक भएर शिक्षा,स्वास्थ लगायत बालशोषण,बालबिबाह जस्ता अपराध हरुको विषयमा कडाइका साथ लाग्ने कुरामा जोड दिनु भएको थियो।
बाह्रदशी गाउँपालिकाले आयोजना गरेको कार्यक्रममा प्रशिक्षक यज्ञ लक्ष्मी चम्लगाईं रहनु भएको थियो भने भगवती आ.बि.,लिटिल स्टार बोर्डिङ स्कुल,बाल्मिकी र जन्ता आ.बि. लगायतका बिधालयको सहभागिता रहेको थियो।
कार्यक्रमलाई सहजीकरण महिला,बालबालिका तथा जेष्ठनागरिक प्रमुख समिक्षा ढकालले गर्नु भएको थियो भने उद्घाटन सत्रको कार्यक्रम लाई समापन अध्यक्ष भिम बहादुर कार्कीले गर्नु भएको थियो
